अष्ट्रेलिया सेमिफाइनलमा र इंग्ल्याण्डको अंकआउट चरणको यात्रा कठिन

विश्वकप क्रिकेटमा मंगलबार दुई चिरप्रतिद्वन्द्वी टिम आमनेसामने भएका थियो । ऐतिहासिक लडर््स मैदानमा भएको अष्ट्रेलिया र इंग्ल्याण्डको खेललाई विश्वकप २०१९ कै सबैभन्दा ठूलो खेल मध्ये एक माानिएको थियो ।

Austrailiya vs England

सेमिफाइनलमा स्थान बनाउन प्रयासरत दुबै टिम यो खेल जित्न चाहन्थे, जसमा अस्ट्रेलिया सफल भयो । उसले घरेलु टोलीलाई ६४ रनले हराएर जित मात्र हात पारेन, सेमिफाइनलमा स्थान बनाउने पहिलो टिम बन्यो । उसको ७ खेलबाट १२ अंक छ ।

अर्कोतिर इंग्ल्याण्डको अकआउट चरणको यात्रा थप कठिन बनेको छ । उसको ७ खेलबाट ८ अंक छ र अन्तिम चारमा स्थान बनाउन बाँकी दुबै खेल जित्नुपर्छ । उसले न्युजिल्याण्ड र भारतसँग खेल्नुछ ।